სათამაშოს მნიშვნელობა ბავშვის განვითარებაში ძალიან დიდია. ის ბავშვს ეხმარება სამყაროს აღქმასა და შემეცნებაში.
დიდი მნიშვნელობა ენიჭება სათამაშოს შერჩევას. დიდი მნიშვნელობა აქვს სათამაშოს შინაარსს, ფერსა და ფორმას. იგი არ უნდა იყოს აგრესიის შემცველი.
რა ასაკიდან საჭიროებს ბავშვი სათამაშოს?
ბავშვის სწორი განვითარებისთვის აუცილებელია სათამაშო ჩვილობიდან, რადგან ის სამყაროს შეცნობას სწორედ ამ დროს იწყებს. ამ დროს ვითარდება მისი მოტორული, თვალის კოორდინაციის და გონებრივი უნარები. ამ ყველაფრის სწორი განვითარებისთვის კი მას სწორად შერჩეული სათამაშოები დაეხმარება
როგორი უნდა იყოს ბავშვის პირველი სათამაშო?
უნდა დავაკვირდეთ ჩვენი ბავშვის ინდივიდუალური განვითარების მაჩვენებელს. პირველი სათამაშო, რომელიც მას გამოადგება, შეიძლება იყოს დაფიქსირებული მის საწოლზე. ასეთი ტიპის სათამაშო გამოსცემს ხმას, ტრიალებს და არის მკვეთრი ფერის.
სასურველია იყოს რბილი ქოსვილისგან დამზადებული, რადგან ეს სათამაშო მოგვიანებითაც დაგვჭირდება, როდესაც პატარა 3-5 თვის ასაკში ხელის ჩაჭიდებას ისწავლის, არ დაიზიანებს სხეულს.
მნიშვნელოვანია სათამაშოს მასალის შემადგენლობა, სათამაშოები, რომლებიც მავნე პლასტმასს არ შეიცავენ, უფრო ძვირია, მაგრამ სჯობს ჩვენს შვილს რამოდენიმე ხარისხიანი სათამაშო ჰქონდეს, ვიდრე ბევრი და უხარისხო. ხარისხის დადგენა შესაძლებელია მწარმოებელი ქვეყნისა და ფასის მიხედვით, რა თქმა უნდა.
